Tajlande

Tajlanda mbyll ishullin për turistët: Po dëmtohet natyra

Autoritetet tajlandeze kanë vendosur që të mbyllin për turistët ishullin e Koh Tachai, pasi sipas tyre turizmi ka ndikuar negativisht në mjedis dhe burimet natyrore të tij. Ishulli ndodhet në provincën e “Phang Nga” dhe është pjesë e parkut kombëtar të Similan. “Ne do ta mbyllim ishullin në mënyrë që të lejojmë që mjedisi të rehabilitohet. Është e rëndësishme që mos ketë më dëmtime, të cilat më pas mund të jenë të parikuperueshme”, tha drejtori i përgjithshëm i departamentit të Parqeve Kombëtare.