Më të fundit

  • Vezët e prekura nga lënda toksike, alarmohet Evropa

    Rreth një milion vezë të destinuara për në Gjermani janë kthyer nga kufiri me Holandën këtë javë. Vezët janë kthyer pasi u zbulua se përmbajnë nivele të larta të një insekticidi toksik të ndaluar nga përdorimi në prodhimin e ushqimit për konsum njerëzor, raporton gazeta britanike The Guardian në numrin e sotëm. Miliona vezë janë tërhequr edhe nga dyqanet dhe magazinat në Gjermani, Holandë dhe Belgjikë. Gjithashtu janë mbyllur përkohësisht edhe rreth 180 ferma në Holandë dhe është nisur një hetim penal pasi autoritetet kërkojnë të zbulojnë shkallën e problemit.

    Lexo me shume
  • 'Mbetjet', Mjedisi përgënjeshtron Mziun: Nuk ka aplikim për leje

    Ndërkohë që qytetarët e Kamzës presin prej 3 ditësh një zgjidhje të problemit të mbetjeve në lumin e Tërkuzës, burime nga Ministria e Mjedisit konfirmojnë se nuk ka asnjë aplikim për leje mjedisore, pavarësisht pretendimit të kryetarit të bashkisë së Kamzës, Xhelal Mziu. Sipas ministrisë edhe aprovimi për venddepozitimin jepet në bazë të një studimi dhe jo vetëm përmes një kërkese. Nga ana tjetër, Kryebashkiaku i Kamzës është shprehur se bashkia dhe këshilli bashkiak kanë miratuar krijimin e një pike tjetër të mbledhjes së mbetjeve në Valias, por Agjencia Rajonale e Mjedisit Tiranë i refuzon lejen e mjedisit Bashkisë Kamëz, duke sjellë për pasojë këtë situatë.

    Lexo me shume
  • Festohet "Dita e Gjalicës" në Vojvodë

    Ditën e djeshme, më 3 gusht në kuadër të projektit "Promovimi dhe adresimi i përdorimit të qëndrueshëm të burimeve dhe vlerave natyrore në ZM", pjesë e programit SENiOR-II, i cili zbatohet nga Qendra Rajonale e Mjedisit (REC) Shqipëri me mbështetjen financiare të Qeverisë Suedeze, shoqata " Mbrojtja e Mjedisit dhe Zhvillimi i Turizmit" ka organizuar aktivitete të ndryshme sportive dhe kulturore për "Ditën e Gjalicës" në Vojvodë, pjesë e Parkut Natyror Korab-Koritnik, në të cilat morën pjesë punonjës të AdZM Kukës, Forumi Rinor për Zhvillim (QPR), komuniteti i zonës, etj.

    Lexo me shume

Has: Aftësim mbi legjislacionin në fushën e mbrojtjës së natyrës

Ditën e djeshme (24 korrik), Shoqata “Mbrojtja e Mjedisit dhe Zhvillimi i Turizmit (MMZHT) në kuadër të projektit “Rritja e kapaciteteve lokale për mbrojtjen dhe promovimin e natyrës në zonën e Hasit”, në qytetin e Krumës, Has organizoi trajnimin me temë: "Njohja dhe zbatimi në praktikë i legjislacionit në fushën e mbrojtjës së natyrës” me përfaqësues të pushtetit vendor, shoqërisë civile, këshillit bashkiak, inspektoriatit të mjedisit, AdZM-së dhe medias vendore.

Vijo leximin

Komunikimi - Arti i sigurtë i pyetësorëve cilësorë

Më datat 20-21 korrik 2017, organizata “Për Mirëqënie Sociale dhe Mjedisore” Berat, ka nisur një trajnim dy ditor në lidhje me teknikat që përdoren për realizimin e tërheqjes së opinioneve nga banorët e institucionet, në lidhje me efiçencën e energjisë. Nëpërmjet këtij projekti kjo organizatë ka si synim të bashkërendojë punën e saj me institucionet përkatëse që mbështesim e monitorojnë punën për nxitjen e politikave dhe praktikave më të mira që sigurojnë efiçencën e energjisë, diversifikimin e burimeve për energji të pastër dhe me kosto të përballueshme nga qytetarët, shtresat e varfra dhe të mesme në Berat e më gjerë.

Vijo leximin

Një javë festime për Ditën Ndërkombëtare të Rangers-ave

Në kuadër të festimeve të Ditës Botërore të Rangers-ave, Agjencia Kombëtare e Zonave të Mbrojtura dhe Shoqata e Parqeve Kombëtarë të Shqipërisë, me mbështetjen e projektit NaturAL, të financuar nga Bashkimi Evropian, koordinuar nga Agjencia Italiane për Zhvillim dhe Bashkëpunim në partneritet me Unionin Ndërkombëtar për Mbrojtjen e Natyrës (IUCN) dhe Shoqatën e Botanistëve Italianë (SBI), kanë organizuar një sërë aktivitetesh në të gjitha qarqet e vendit.

Vijo leximin