Helmim nga uji në Bulqizë ? Rreth 100 persona në spital, qyteti në alarm
Dhjetra banorë të Bulqizës dyshohet se u helmuan nga uji i pijshëm. 93 qytetarë mes të cilëve 24 fëmijë janë paraqitur në spitalin e qytetit me simptoma intoksikimi në harkun e 24 orëve të fundit. Helmimi nga uji është dyshimi kryesor edhe për bluzat e bardha, por për shkakun zyrtar do të priten analizat. Drejtori, Hazis Jella, thotë se piku i epidemisë ishte mbrëmjen e së shtunës.
Zgjidhet ngërçi në akuakulturë – Kristo: Subjekteve që u ka skaduar leja do vijojnë punën
Subjektet që zhvillojnë aktivitet në sektorin e akuakulturës por që u ka skaduar leja apo po u përfundon afati së shpejti, do të lejohen të vijojnë normalisht veprimtarinë deri në përfundimin e studimit që do të përcaktojë zonat e përshtatshme për zhvillimin e akuakulturës. Ky është thelbi i projektligjit të ri të prezantuar në Komisionin Parlamentar të Veprimtarive Prodhuese.
Thahet liqeni në Okshtun, banorët akuzojnë Bashkinë
Në Okshtun të Rrogozhinës, banorët akuzojnë bashkinë se u hoqi portat e Liqenit dhe sot liqeni është tharë, ndërkohë që tokat e tyre do të mbeten pa vaditur. Tharja e këtij liqeni nuk ndodhi papritur. Në fshatin Okshtun, dy muaj më parë banorët kishin paralajmëruar se do të vinte kjo ditë.
Fshatrat pa ujë në Gjirokastër
Plot 1.500 banorë të tri fshatrave në Odrie të Gjirokastrës kanë probleme të vazhdueshme të furnizimit me ujë të pijshëm. Gurra e Labovës, një prej burimeve më të bollshme të krahinës nuk është në gjendje ta realizojë furnizimin, pasi 80% e ujit humbet përgjatë rrjetit shpërndarës të ndërtuar 50 vite më parë.
Reshjet e shiut gjatë natës, Vjosa del nga shtrati
Reshjet e dendura të shiut gjatë natës kanë bërë që Vjosa të dalë nga shtrati në zonën e Tepelenës. Për pasojë By -Pass-i është mbuluar me ujë. Kjo ka sjellë dëmtime të punimeve që po kryhen aktualisht. Në terren kanë shkuar grupet e punës të Shtabit të Emergjencave për të monitoruar situatën.
