Mbetjet


Gjanica do pastrohet/ Si po shndërrohet zemra e qytetit të Fierit

Përfundimi i projektit me vlerë 850 milion lekë të reja për rehabilitimin e qendrës së qytetit te Fierit, nuk do të jetë i vlefshëm në qoftë se nuk bëhet edhe pastrimi i lumit Gjanica nga mbetjet hidrokarbure.

Brenda një kohe të shkurtër lumi Gjanica do të rikthehet në identitet. Pas sistemimit të shtratit të lumit, do të bëhet edhe pastrimi i ujit të Gjanicës.

Qytetarët e Fierit nuk do ta kenë më gangrenën e vjetër të ndotjes së lumit me mbetje hidrokarbure nga kompanitë e naftës.

Mbi shtratin e lumit Gjanica po ndërtohen edhe tre ura që lidhin dy pjesët e qendrës së qytetit. Për shtrimin e trotuarëve në të dy anët e lumit janë përzgjedhur gurë dekorativ, të cilët do të bëjnë edhe diferencën e këtij projekti.

Punimet për rehabilitimin e qendrës së qytetit pritet të përfundojnë në fillim të muajit shtator të këtij viti.

Ndërtimi i pallatit të ri të sportit është projekti që do të vihet në zbatim pas rehabilitimit të qendrës së Fierit.

Qëndroni më të informuar për mjedisin

Regjistrohuni për të marrë përmbledhjen ditore të lajmeve mjedisore në e-mailin tuaj.