Rreth 900 të helmuar, shpallet gjendje emergjente në Deçan
Kryetari i komunës së Deçanit, Bashkim Ramosaj
ka bërë të ditur se në bazë të Ligjit për Vetëqeverisje Lokale dhe Ligjit për
Parandalimin dhe Sëmundjeve Ngjitëse të Statutit të komunës së Deçanit ka marrë
vendim që të shpallet gjendje emergjente në tërë territorin e kësaj komune,
shkruan Gazeta Express Kjo pas paraqitjes së rasteve të fundit në këtë komunë,
të helmimit të qytetarëve. Dyshohet se shkaktar i helmimit është uji. Deri më
tani në QKMF-në e kësaj komune ndihmë kanë kërkuar rreth 900 persona.
Në ndërkohë dy vdekje të
dyshimta kanë ndodhur gjatë 24 orëve të fundit në Deçan, shkaku i situatës së
krijuar atje, ku po dyshohet se ka ndodhur një helmim masiv shkaku i ujit,
raporton Express.
Këto dy raste të vdekjes i
ka konfirmuar zëdhënësi i Prokurorisë së Pejës, Shkodran Nikçi, i cili ka
deklaruar se prokurori ka urdhëruar që trupat e pajetë të dërgohen për obdukim
në IML për të kuptuar me shumë lidhur me rrethanat e vdekjes se tyre.
Ndryshe, të paktën 900
pacientë kanë kërkuar ndihmë në Qendrën Kryesore të Mjekësisë Familjare në
Deçan me simptoma të helmimit.
Dyshimet zyrtare për
shkakun e helmimit janë te një degë e furnizimit të ujësjellësit “Hidrodrini”. Instituti Kombëtar i Shëndetit Publik
(IKSHPK), ka bërë të ditur të hënën se nga gjashtë mostra të testuara të ujit,
në dy prej tyre kanë gjetur koloni të dyshimta të baktereve. Megjithatë, sipas drejtorit të IKSHPK-së,
Naser Ramadani, testimet duhet të vazhdohen të bëhen në laborator dhe shkaku i
saktë i këtij helmimi nuk është përcaktuar ende.
Qendra e Mjekësisë
Familjare në Deçan që nga dita e shtunë, ngrehu alarmin për numër të pazakontë
të pacientëve, me simptoma të ngjashme.
Drejtori i kësaj qendre,
Selmon Berisha tha për Radion Evropa e Lirë se pasi e kishin lajmëruar
Institutin Kombëtar të Shëndetësisë Publike, ata erdhën dhe morën mostrat e
ujit për të bërë analizën kimike dhe biologjike.
Derisa rezultatet e
analizave të fundit të këtij uji nuk kanë dalë ende, që nga e diela në mbrëmje,
ujësjellësi rajonal “Hidrodrini” ka bërë ndërprerjen e furnizimit me ujë në
zonat e dyshuara për helmim masiv. Ujësjellësi
“Hidrodrini” ka bërë apel për kujdes, por duke thënë se “deri në arritjen e
rezultateve, nuk mund të konstatohet asgjë në zbardhjen e dyshimeve për ujë të
helmuar ose jo”.
Kryetari i Komunës së
Deçanit, Bashkim Ramosaj në një konferencë për media tha se janë duke bërë
përpjekje maksimale për gjetjen e shkaqeve të këtij helmimi dhe deri më tani të
gjitha dyshimet janë vetëm hipoteza.
Për t’u njohur më tepër mbi
artikullin, klikoni Gazeta Ekspress.
