G20 mblidhet për klimën në Napoli / Ministrat e mjedisit, masa për të ulur emetimet dhe për të rritur financimet
Pas përmbytjeve
katastrofike në Europë javën e kaluar dhe në Kinë këtë javë dhe zjarreve në
Oregon të Shteteve të Bashkuara të Amerikës, ministrat e energjisë dhe të
klimës të G20-ës, do të përpiqen të marrin masa për të ulur emetimet e gazrave
serrë dhe të ofrojnë financime në luftën kundër ndryshimeve klimatike.
Sipas një
deklarate të G20-ës, temat kryesore të diskutimeve do të përfshijnë: luftimin e
ndryshimit klimatik, përshpejtimin e tranzicionit ekologjik, më shumë financime
sipas marrëveshjes së Parisit të vitit 2015, mundësi për rimëkëmbje të
qëndrueshme dhe gjithëpërfshirëse të mundësuara nga zgjidhje inovative
teknologjike dhe ndërtimi i qyteteve inteligjentë dhe të qëndrueshëm”.
Ndërkohë, liderët
e G20-ës do të takohen më 30 dhe 31 tetor në Romë, ndërsa në këtë grupim bëjnë
pjesë 19 vendet më të mëdha të zhvilluara dhe në zhvillim, plus Bashkimi
Europian.
G20 është forumi
ndërkombëtar që bashkon ekonomitë kryesore të botë dhe përbëjnë më shumë se 80%
të Prodhimit të Brendshëm Global, 75% të tregtisë globale dhe 60% të popullsisë
të planetit./ SCAN TV